ફતેગઢ જ્વેલરી ચોરીનો ભેદ ઉકેલાયો, બે આરોપી મુદામાલ સાથે પકડાયા

**રાપર/ગાંધીધામ:** ફતેગઢ ગામની વિષ્ણુ જ્વેલર્સમાંથી રાત્રે ચાંદીના દાગીનાની ચોરી કરનાર ગેંગના બે આરોપીઓને રાપર પોલીસે હળવદ-અમરેલી વચ્ચેથી ₹57,950 કિંમતના મુદામાલ સાથે ઝડપી પાડ્યા છે.

પૂર્વ કચ્છના પોલીસ અધિક્ષક સાગર બાગમાર અને નાયબ પોલીસ અધિક્ષક સાગર સાંબડાના માર્ગદર્શન હેઠળ રાપર પોલીસ સ્ટેશનના પીઆઈ જે.બી. બુબડીયા અને તેમની ટીમે CCTV ફૂટેજ અને ટેક્નિકલ એનાલિસિસના આધારે આ કામગીરી હાથ ધરી હતી.

પકડાયેલા આરોપીઓ:

1. **મુકેશ ધુલીયા આમલીયાર** (22) - રહેવાસી હળવદ, મોરબી; મૂળ નિવાસી કકડવા, કુકશી, ધાર (મ.પ્ર.)

2. **રમેશ કલમસંગ બઢેલ** (23) - રહેવાસી મોટા ભંડારીયા, અમરેલી; મૂળ નિવાસી બાવડી ખુર્દ, જોબાટ, અલીરાજપુર (મ.પ્ર.)

બે અન્ય આરોપીઓ - ભાયો ઉર્ફે રોહિત યેસુ વસુનિયા અને જીતેન્દ્ર બાલુસિંગ મનડોલી (બંને મધ્યપ્રદેશના રહેવાસી) હજુ ફરાર છે.

 કબજે કરેલ મુદામાલ:

- ચાંદીના નાના-મોટા દાગીના: ₹42,950

- હીરો હોન્ડા સ્પ્લેન્ડર મોટરસાયકલ: ₹15,000

- **કુલ મુદામાલ: ₹57,950**

ગુનેગારોની કામગીરીની રીત:

પોલીસ સૂત્રોના જણાવ્યા અનુસાર, આ ગેંગના સભ્યો પહેલા છૂટક મજૂરી માટે વિસ્તારમાં આવે છે અને દુકાન કે ઘરની રેકી કરી પોતાના વતનમાં પાછા ફરે છે. બે-ત્રણ મહિના બાદ ફરી આવીને તાળા તોડી ચોરી કરી મધ્યપ્રદેશમાં નાસી જાય છે.

મુકેશ ધુલીયા અગાઉ પણ અમરેલી રૂરલ પોલીસ સ્ટેશનમાં BNS કલમ 303(A), 331(4) હેઠળ ગુનામાં સંડોવાયેલો હોવાનું બહાર આવ્યું છે.

રાપર પોલીસ સ્ટેશનમાં ગુ.નં.119930102505062/2025 કલમ 305, 331(3), 331(4) BNS મુજબ ગુનો દાખલ થયો છે.

આ કામગીરીમાં પોલીસ ઈન્સ્પેક્ટર જે.બી. બુબડીયા, પોલીસ સબ ઈન્સ્પેક્ટર કાતરીયા તથા રાપર પોલીસ સ્ટેશનની સમગ્ર ટીમે મહત્વની ભૂમિકા ભજવી હતી.

બોર્ડર રેન્જ ભુજના પોલીસ મહાનિરીક્ષક ચિરાગ કોરડીયાએ આ સફળતા બદલ ટીમને અભિનંદન પાઠવ્યા છે.