પવનચક્કીમાંથી કોપર વાયર ચોરતા ચાર શખ્સો લાકડીયા પોલીસના જાળમાં

 

ભચાઉ તાલુકાના લાકડીયા પોલીસને મોટી સફળતા મળી છે. પવનચક્કીમાંથી કોપર વાયર ચોરીના ગુનામાં સામેલ ચાર શખ્સોને મુદામાલ સાથે ઝડપી પાડવામાં આવ્યા છે.

લાકડીયા પોલીસ સ્ટેશનમાં એફ.આઈ.આર નં-૧૧૯૯૩૦૧૧૨૫૦૨૪૧/૨૦૨૫ હેઠળ બી.એન.એસ કલમ-૩૦૫, ૩૩૧(૪), ૩૨૪(૪), ૫૪ મુજબ ગુનો નોંધાયો હતો. ફરીયાદ મુજબ, ચાંન્દ્રોડી અને ખોડાસર સીમમાં આવેલી પવનચક્કીના દરવાજાના લોક તોડી અંદરથી અલગ-અલગ સાઇઝના કોપર વાયરની ચોરી કરવામાં આવી હતી.

પોલીસ ઇન્સ્પેક્ટર શ્રી જે.એમ. જાડેજાની આગેવાનીમાં હ્યુમન સોર્સિસ આધારે તપાસ હાથ ધરતા, પોલીસે ચાર આરોપીઓને પકડી પાડ્યા.

પકડાયેલા આરોપીઓ:

૧. શાંતીલાલ ઉર્ફે શાનીયો રામજી કોલી (ઉ.વ. ૩૨, રહે. સેક્ટર-૦૫ આધોઈ)

૨. હરેશ રામસી સાલાણી (કોલી) (ઉ.વ. ૨૨, રહે. સેક્ટર-૦૫ આધોઈ)

૩. નરેશ નથુભાઇ કોલી (ઉ.વ. ૨૩, રહે. કોલીવાસ ખોડાસર)

૪. દેસરા ચોંડાભાઇ કોલી (ઉ.વ. ૨૯, રહે. કોલીવાસ ખોડાસર)

કબ્જે કરાયેલ મુદામાલ:

કોપર વાયર ૧૩૦ કિગ્રા, કિંમત રૂ. ૭૮,૦૦૦/-

વાયર કાપવા ઉપયોગમાં લેવાયેલા કટર ૨ નંગ, કિંમત રૂ. ૪૦૦/-

ડીસમીસ ૧ નંગ

કુલ મૂલ્ય રૂ. ૭૮,૪૦૦/- નો મુદામાલ કબ્જે કરવામાં આવ્યો છે.

પોલીસે વધુ તપાસ હાથ ધરી છે.